Ish-deputeti demokrat, Gerti Bogdani shprehet se qeveria ka nxjerrë në terren tatimorët për të vendosur gjoba, ne vend që të mbështesë ekonominë dhe bizneset shqiptare, pas karantinës dhe izolimit.
Përmes një postimi në “Facebook”, Bogdani shkruan se në nje vend normal, shteti jo vetem qe nuk do “ndersente tagrambledhesit ndaj bizneseve”, por do te bente çmos qe t’u krijonte te gjitha hapesirat dhe lehtesirat e mundshme per te rikuperuar humbjet e kohes se karantines.
“Mire qe gjate karantines ku pothuaj asnje biznes nuk punoi, e pra nuk fitoi, shteti nuk i krijoi asnje lehtesi ne taksa, tatime, a tarifa; Mire qe nuk i lehtesoi asnje takse a tatim, por edhe pagesen ia kerkoi brenda afatit cik me cik; Mire qe gjate karantines faturat e ujit e dritave i paguan aforfe sikur te kishin qene ne pune me kohe te plote, e jo te mbyllur siç ishin realisht; Mire qe keta i kursyen leke shtetit duke mos nxjerre njerezit ne rruge te madhe e per rrjedhoje te aplikonin per ‘pagen e luftes’ – per shembull: 1 – Nje biznes me 10 punetore i ka kursyer shtetit 40,000 Leke x 10 x 2 muaj (meqe paga e trete ishte rrene me bisht) = 800,000 Leke ose thene popullorçe 8 Milione Leke) 2 – Nje biznes me 40 punetore i ka kursyer shtetit 40,000 Leke x 40 x 2 muaj ( meqe paga e trete ishte rrene me bisht) = 3,200,000 Leke ose thene popullorce 32 Milione Leke) 3 – Nje biznes me 100 punetore i ka kursyer shtetit 40,000 Leke x 100 x 2 muaj ( meqe paga e trete ishte rrene me bisht) = 8,000,000 Leke ose thene popullorce 80 Milione Leke).”
Sipas tij, këto kontrolle bëhen për të zhvatur dhe për të mbushur xhepat e kontrolloreve dhe eproreve.
“Mire qe nje faleminderit sado te pa ndjere e te thate ky shtet e kjo qeveri nuk u tha; mire qe mirenjohjen nuk e njeh e nuk ia kerkon njeri, sepse jam i sigurt qe te gjithe ata biznese qe e bene kete ne radhe te pare jane biznese te ndershme, e ne radhe te dyte e bene se e ndjene e besojne ate qe bene, dhe jo per qeverine! Por sikur te mos mjaftonin te gjitha keto, keto dite te para Gushti kane leshuar e ndersyer tatimoret nga Shkodra gjer ne Vlore! Kontrolle te thelluara, kontrolle te palajmeruara, kontrolle te targetuara, kontrolle per te zhvatur, kontrolle per te mbushur xhepat e kontrolloreve dhe eproreve! Turp nuk kane, kjo eshte e qarte tashme 7 vjet e kusur te kesaj Qeverie!”
