PD padit në SPAK Ramën dhe 15 ministra, kryebashkiakë e deputetë

Partia Demokratike ka paditur në Prokurorinë e Posaçme kundër Korrupsionit kryeministrin Edi Rama.

Opozita akuzon shefin e qeverisë  për shpërdorim detyre, pasi sipas saj po përdor funksionin publik për fushatë zgjedhore.

Përveç kryeministrit, Partia Demokratike ka paditur edhe ministrin e Rindërtimit, Arben Ahmetaj, ministren Spiropali, atë të Financave Denaj, ministren Balluku,  Taulant Ballen, kryebashkiakun e Tiranës Erjon Veliaj, si dhe përfaqësues të tjerë socialistë në pushtetin vendor.

Sipas opozitës, lideri i mazhorancës dhe ekipi i tij kanë marrë pjesë në aktivitete ku janë përdorur para publike, si procesi i rindërtimit dhe shpërndarja e lejeve të legalizimit.

“Ky kallëzim është rasti që edhe SPAK të tregojë me vepra se organet ligjzbatuese shqiptare do të vendosin përpara përgjegjësive çdo shkelës të ligjit, pavarësisht nëse është i pasur apo i veshur me pushtet”, shkruan PD në kallëzimin e saj të depozituar në SPAK.

PD ka paditur në SPAK:

Edi Rama, Kryeministër

Elisa Spiropali, Ministër i Marrëdhënieve me Kuvendi

Anila Denaj, Ministër i Financave dhe Ekonomisë

Arben Ahmetaj, Ministër i Rindërtimit;

Belinda Balluku, Ministër i Infrastrukturës dhe Energjisë;

Taulant Balla, Kryetar i Grupit Parlamentar të Partisë Socialiste

Erion Veliaj, Kryetar i Bashkisë Tiranë;

Rakip Suli, Kryetar i Bashkisë Kamëz;

Emiriana Sako, Kryetar i Bashkisë Durrës;

Elton Arbana, Kryetar i Bashkisë Shijak;

Artur Bushi, Kryetar i Bashkisë Krujë;

Redjan Krali, Kryetar i Bashkisë Kavajë;

Dritan Agolli, Drejtor Ekzekutiv i Fondit Shqiptar të Zhvillimit;

Bujar Çela, Deputet i Kuvendit të Shqipërisë;

Sadi Vorpsi, Deputet i Kuvendit të Shqipërisë;

Karolina Kostallari, Drejtues i Njësisë Administrative nr.10 Tiranë