Kryeministri Edi Rama reagoi ne rrjetin social Facebook per rezolutën e PPE, ndërsa akuzoi opozitën se nuk dha votën per miratimin e saj. Rama publikoi rezolutën, sipas te cilës, inkurajohen te gjitha partitë politike te marrin pjese plotësisht ne proceset demokratike dhe institucionet e vendit, për te cilat ekonomia ka nevoja urgjente.
Partia Popullore Europiane thekson nevojën urgjente në Ballkanin Perëndimor, për të ecur përpara me reformën në drejtësi, me vendosjen e sundimit të ligjit dhe per një gjyqësor të pavarur e transparent. Sipas Ramës, në këtë rast, Partia Demokratike nuk e dha votën e saj, pasi kjo forcë politike nuk merr pjesë në institucionet e vendit dhe nuk do të hyjë në zgjedhje.
