Ish-deputeti i Partisë Demokratike, Bardh Spahia kërkoi që ish-ministri Ilir Beqaj dhe ministrja aktuale e Shëndetësisë, Ogerta Manastirliu të mbajnë përgjegjësi për koncesionet check up-it dhe sterilizimit. Në “Facebook” ai tha se është koha që të vërtetat të dalin në pah.

 

 “Koha e të vërtetës për koncesionet skandaloze. Prokuroria e Posacme Antikorrupsion ka tashmë në dorë kallëzimin penal të Partisë Demokratike për koncesionin korruptiv të Check Up-it. Ministri i kohës i Shëndetësisë Ilir Beqja, ministrja aktuale Ogerta Manastirliu duhet të japin llogari për ngutjen e pashpjegueshme për të përfunduar në mënyre te paracaktuar një procedurë koncesionare fiktive me fitues të paracaktuar. E njëjta logjikë abuzive, edhe në koncesionin e sterilizimit ku kostot fryhen disa fish per te mundesuar megavjedhjen, e ku rreziku financiar merret përsipër nga shteti.”

 

Bardh Spahia shtoi se tashmë është koha që SPAK të tregojë pse u ngrit dhe të ndëshkojë abuzuesit.

 

“SPAK ka shansin të tregojë se këta abuzues recidiv do marrin ndëshkimin e duhur, e se paratë e taksapaguesve shqiptarë duhen konsideruar të paprekshme, ndersa përmirësimi i sistemit shëndetësor nje mision sublim. Zbatimi i verbër i urdhërave politikë ka kosto që herët a vonë paguhen. Tani është koha!”

 

Partia Demokratike ka dorëzuar në Prokurorinë e Posaçme Antikorrupsion, SPAK, kallëzimin penal për koncesionin e check up-it.

 

Duke e konsideruar atë si një nga vendimet më korruptive të qeverisë Rama, Partia Demokratike ka kallëzuar në SPAK të paktën dhjetë persona, mes të cilëve ish Ministrin e Shëndetësisë, Ilir Beqaj, ministren aktuale të Shëndetësisë, Ogerta Manstirliu dhe aksioneren e kompanisë përfituese të check up-it, Vilma Nushi.

 

Selia blu i akuzon këta zyrtare, ish zyrtare, e persona per disa vepra penale si korrupsion aktiv dhe pasiv, shpërdorimi i detyrës deri tek përfitimi i paligjshëm.

 

Leave a Reply

Your email address will not be published.