Partia Popullore Europiane dhe partitë simotra mbështesin Partinë Demokratike për platformën e saj elektorale dhe garantimin e zgjedhjeve të lira. Ketë mbështetje lideri i opozitës Lulzim Basha ka marrë gjatë takimit në Luksemburg për 40-vjetorin e PPE, me drejtuesit më të lartë të Bashkimit Europian, kryetarë shtetesh dhe qeverish të vendeve anëtare. Sipas Partisë Demokratike, punësimi, stabiliteti ekonomik, konkurrenca, siguria dhe zhvillimi janë ato çka e djathta i ka ofruar europës. Kjo është dhe arsyeja që PPE vazhdon të qëndrojë për 16 vjet me radhë si forca kryesore politike në Europë. Ne njoftimin per shtyp thuhet se PD ka marre mbështetje dhe ndihmë konkrete nga krerët e qeverive dhe partive simotra për zbatimin e ligjit të dekriminalizimit, garantimin e zgjedhjeve të lira dhe të ndershme, si kushti kryesore i avancimit të Shqipërisë në rrugën e integrimit në Bashkimin Europian.
