PD gati për zgjedhjet, Basha mbledh kryesinë
Për herë të parë pas pushimeve të verës, kryetari i PD-së Lulzim Basha ka mbledhur kryesinë dhe ish deputetët për të diskutuar aksionin opozitar.
Në qendër të mbledhjes janë përgatitjet e opozitës jo vetëm për situatën politike, por edhe për betejën e ardhshme zgjedhore.
Zgjedhjet parlamentare dhe lokale të parakohshme janë sipas opozitës e vetmja zgjidhje për krizën e për këtë arsye Basha kërkon që strukturat të bëhen gati për betejën elektorale.
Një ditë më parë kryetari i PD-së Lulzim Basha mblodhi drejtuesit e degëve. Në këtë takim u vendos që në PD të ngrihet shtabi qendror elektoral dhe politik.
Ndërkohe shtabet do të shtrihen në mënyre piramidale në të gjithë vendin.
Nga ana tjetër PD-ja ka vendosur që protestat të spostohen për të shmangur shfokusimin nga çështjet kryesore që janë procesi i integrimit dhe zgjidhja e krizës.
