PD e LSI kërkojnë anulimin e ligjit për Teatrin Kombëtar
Opozita i rikthehet çështjes së Teatrit Kombëtar, duke kërkuar anulimin e ligjit të miratuar seancën e kaluar. PD dhe LSI bojkotuan mbledhjen e sotme të parlamentit, duke pretenduar për manipulim të votimit. Krerët e dy grupeve parlamentare të opozitës, Edmond Spaho dhe Petrit Vasili ishin të vetmit në sallë në nisje të seancës, duke kërkuan shfuqizimin e votimit.
Sipas tyre, është e papranueshme qe te vijoje seanca kur ka patur tjetërsim te votës. Por kryetari i kuvendit Ruçi tha se kërkesën e dy ditëve me pare, e kishte marre vetëm sot. Megjithatë, ai tha se kishte autorizuar mbledhjen e sekretariatit për procedurat e votimit ne mënyre qe të investigojë se çfarë ka ndodhur. Ne baze te këtij kontrolli do te merret dhe vendimi për votimin.
