Gjykata Civile shqyrtoi sot kërkesën e Partisë Demokratike për regjistrimin e ndryshimeve statutore të Kuvendit të 2 shtatorit ku Lulzim Basha rimori drejtimin e kesaj force politike. Përfaqësues të PD-së zyrtare janë Rezart Kthupi dhe Indrit Sefa.
Palë në proces është pranuar edhe fraksioni i Gazment Bardhit që përfaqësohet nga Marash Logu e Redi Rama dhe Rithemelimi i Sali Berishës me mbrojtës Çlirim Gjatën dhe Franc Nurin.Dy grupimet tashme kundershtare te Bashes kërkojnë pezullimin e ceshtjes pas rekursit të bërë prej tyre në Gjykatën e Lartë per zhberjen e vendimit te apelit i cili e ktheu çështjen e vulës e të logos në shkallë të parë.
INDRIT SEFA
Është një procedurë rutinore për reigjstrimin e Partisë Demokratike të miratuar në Kuvendin Komëbëtar të 2- shtatorit. Ka një përpjekje për ta zvarritur nga aleanca e kullave për të zvarritur regjistrimin e statutit të Partisë Demokratike. Partia Demokratike gjithmonë ka triumfuar, do triumfojë edhe këtë radhë.
Pas seancës përfaqësuesi ligjor i Rithemelimit, Çlirim Gjata tha se vendimet e gjykatave janë të motivuar politikisht.
ÇLIRIM GJATA
Ajo që ne kërkuam në këtë proces është që këto ndryshime statutore që pretendohen se janë bërë dhe kërkohet të regjistrohen në regjistrin e partive politike, të pezullohet derisa të dalë vendimi i Gjykatës së Lartë. Problemi këtu është politik. Është politika e zotit Rama që po e detyron këtë lloj sjelljeje nëpër gjykata, sepse nuk vendosin gjykatat
Seanca e radhës per kerkesen e partise demokratike do te mbahet në datën 27 tetor.