PD do të mbajë qëndrim të fortë në seancën e së enjtes për hapjen e dosjeve

Partia Demokratike do të mbajë  qëndrim të ashpër në seancën parlamentare të së enjtes, për  atë që cilësohet përjashtim  i  opozitës nga autoriteti për informimin me  dokumentat e ish sigurimit të shtetit. Kryetari Lulzim Basha,  në mbledhjen e grupit,  e konsideroi të pa pranueshëm përjashtimin e opozitës nga ky  autoritet.  Sipas tij  me dërgimin në kuvend të  dy kandidatëve të saj,  mazhoranca  po kërkon përjashtimin e opozitës nga ky proces i rëndësishëm, duke theksuar se për këtë janë informuar dhe partnerët ndërkombëtarët.