Ish-kryetari i Komisionit Qendror të Zgjedhjeve, Kritaq Kume paralajmëroi se kërkesa e PD për rishikim të materialit zgjedhor mund të prodhojë ngërç.

 

Gjatë një interviste për “Zgjedhje 2021” në “Vizion Plus”, me gazetarin Thimi Samarxhiu, Kume tha se megjithatë duhet bërë një ndarje nëse opozita e bën këtë kërkesë vetëm për politikë.

 

“Edhe mundet që të ndodhemi përpara një situate të tillë, ku të kërkohet që gjithçka të bëhet nga e para. E gjithë kjo do të shkojë deri në fund për të mos prodhuar ngërçin sepse shpeshherë është i dukshëm rezultati dhe bëhet produkt i konsumit politik.”

 

Lidhur me pretendimet për manipulim të votave, Kristaq Kume shpjegoi se nëse komisionerët kanë kryer shkelje, rrezikojnë deri në pesë vjet burg.

 

“Rezultati për subjektet politike duhet të përfundonte brenda 48 orëve dhe kjo u realizua. Pavarësisht si punuan komisionerët, gjithçka u bë në përputhje me ligjin. Nuk kemi vonesa në nxjerrjen e rezultatit. Sa i takon mënyrës si u zbatua ligji nga komisionerët, si u lexuan votat, legjislacioni thtoë që nëse komisioneri konsumnon një vepër të tillë, nuk e mbron dot më partia. Nëse do të identifikohen raste të tilla të keqpërdorimit të të drejtës për të lexuar vullnetin e popullit, mund të dënohesh me 3-5 vjet. Janë të ekspozuar të gjithë përpara verifikimit të faktit nëse kanë konsumuar apo jo një vepër të tillë. Kjo detyron rishqyrtimin dhe nëse administrata zgjedhore dhe KQZ verifikon se ka keqpërdorim, menjëherë nis procedimi penal. Çdo subjekt zgjedhor, gjatë procesit të ankimimit ka të drejtën të kërkojë për të hapur kutitë.”

 

Procesin zgjedhor ai e vlerësoi me nota pozitive dhe tha se tani me rëndësi është që të pranohet rezultati.

 

 

Leave a Reply

Your email address will not be published. Required fields are marked *