PD: Dibra, tregu i zi i votave

Partia Demokratike vijon akuzat në adresë të mazhorancës për vjedhje të votave në zgjedhjet e 11 shtatorit ne Dibër. Deputetja Jorida Tabaku tha sot se kryeministri Rama e ktheu Dibrën në një treg të zi kriminal të blerjes së votës, duke hapur zyra e sportele të këmbimit të vullnetit të lirë me leke e me euro. Tabaku theksoi se edhe PD do të bëjë një analizë të plotë të rezultatit të zgjedhjeve. Por duke këmbëngulur në vjedhjen e votës, për opozitën, Shqipëria nuk mund të ketë zgjedhje me Edi Ramën.