Partia Demokratike ka dorëzuar në SPAK kallëzimin penal ndaj ministres të Mbrojtjes, Olta Xhaçka dhe kompanive pjesëmarrëse në një tender ushqimesh. Akuzat lidhen me blerjen e produkteve bazë me vlerë 1.5 milion euro.
Partia Demokratike thekson se Ministria e Mbrojtjes nuk ka shpjeguar ende pse tenderi u fitua nga një kompani kompjuterësh nga maqedonia e veriut e cila ka shtuar në objektin e veprimtarisë së saj “tregtimin e ushqimeve”, vetëm 6 ditë përpara se të shpallej tenderi.
I menjëhershëm ishte reagimi i Ministres së Mbrojtjes, Olta Xhaçka, e cila e quajti veprim të ulët dhe imoral padinë, në një kohë kur vendi është në luftë.
Ajo akuzoi selinë blu se bën shpikje të modelit “Babale” në një kohë kur duhet të kontribuojë në përpjekjen e përbashkët për të mundur armikun të padukshëm .
Xhacka, nënvizoi se tenderi është kryer ne përputhje me ligjin pas shpalljes se gjendjes së fatkeqësisë natyrore për te siguruar ne një kohe sa me te shkurtër mallrat ushqimore.
Ministrja e Mbrojtjes dhe kompanitë fituese akuzohen nga opozita për Shpërdorim të detyrës, Shkelje te barazisë së pjesëmarrësve në tendera apo ankande publike dhe Korrupsion pasiv të funksionarëve të lartë shtetërorë.
