Partia Demokratike reagoi menjëherë pas votimit të Artur Metanit në parlament, si Inspektor i Lartë i Drejtesisë.
Sipas opozitës, njeriu që duhet të garantojë pavarësinë e drejtësisë nga politika, u emërua sot në kundërshtim me kushtetutën dhe ligjet.
Selia blu thotë se vartësi i edi ramës për vite me radhë, nuk do t’i shërbejë drejtësisë së pavarur.
“Ai është emëruar aty për të qenë shërbëtor i edi ramës. me këtë emërim edi rama investohet personalisht kundër prokurorëve dhe gjyqtarëve që gjykojnë dosjet e korrupsionit, vjedhjen e votave nga qeveria e edi ramës apo lidhjet e tij me krimin e organizuar.”
Opozita e mbull qëndrimin e saj duke nënvizuar se emërimi i Artur Metanit, një militanti partiak, vartës i Ramës, vëlla i deputetes dhe ish ministres së Ramës është një tjetër zhgënjim i thellë për të gjithë shqiptarët që prisnin drejtësi të pavarur nga reforma në drejtësi e cila, me hapin e sotëm është pranë vdekjes klinike.
