Opozita vijon akuzat ndaj Ministrit te Shëndetësisë, Ilir Beqaj. Deputetja e PD, Albana Vokshi, tha se kompania qe fitoi tenderin e Çek-Up-it, vazhdon te paguhet me miliona leke, edhe pse nuk kryen punen.
Deklarata e plote e Albana Vokshit:
Edi Rama, jo vetëm i dha 120 milionë euro mikes dhe bamirëses së tij, Vilma Nushi, me tenderin e check-up, por po e thellon akoma edhe më shumë korrupsionin, duke i rregulluar faturat që ajo ti marrë shumat e plota edhe pse shërbimi nuk ofrohet.
Kjo tabela këtu, që e keni dhe në ekran, tregon shumën që i është paguar Nushit për muajt mars-nëntor.
Sipas kësaj shume, 5 miliardë e 554 milionë, i bie që qenkan kontrolluar 318 mijë persona, duke e ditur se kostoja për një person është 17 mijë lekë.
Por sipas të dhënave zyrtare nga institucioneve shëndetësore shtetërore, numri i të kontrolluarve është 216 mijë persona.
Dhe më e rënda është se Fondi i Sigurimeve Shëndetësore nuk ka ushtruar deri tani asnjë kontroll, pork a marrë të mirëqëna shifrat e Nushit.
Pra Edi i ka dhënë Vilmës para sikur e kanë bërë check-upin 318 mijë persona. 1 miliardë e 700 milionë lekë më shumë se sa shërbimi që ka ofruar.
Janë vjedhur nga paratë e shqiptarëve 1 miliardë e 700 milionë lekë për 9 muaj.
Për të siguruar paratë për vilmën, kampioni i korrupsionit, Ilir Beqa, hoqi nga puna 600 veta, dhe shkurtoi shpërblimin për personalin mjekësor.
Kjo është një vjedhje skandaloze, kriminale e parave të shqiptarëve.
Një fakt tronditës, për të cilin Edi Rama dhe Beqa i tij duhet të japin llogari.
Prokuroria duhet të veprojë para këtij korrupsioni me këto përmasa dhe lehtësisht të verifikueshëm.
Partia Demokratike i kërkon organit të akuzës që të procedojë me profesionalizëm e pa zvarritje, e ta çojë para drejtësisë këtë rast të rëndë korrupsioni, dhe përgjegjësin Ilir Beqa.
