Synimi i Bindjes Demokratike është që pas 25 prillit të jetë forcë përcaktuese në krijimin e qeverisë së re.
Kryetari i partisë, Astrit Patozi deklaroi për “Zgjedhje 2021” në “Vizion Plus” se në këtë mënyrë, vendimmarrja nuk do të bëhet nga një parti e vetme. Për këtë arsye, ai kërkoi votën e qytetarëve.
“Era ka filluar të fryjë. Ne kemi dalë në fushë. Në 2017 kishte vetëm tre parti të vjetra dhe ato fituan. Përtej 2017, nëse ne nuk do të ishim, do të ishte një fotokopje e 2017. Na lini të provohemi. Kemi 3 javë përpara dhe do të sjellim ndryshimin. Nuk jam fallxhor, por sado mandate të marrim, dhe ne do të marrim mandate, kemi dy rrugë, ose të jemi në qeveri, ose në opozitë. Nëse Shqipëria do të ketë një shumicë ku ne do të jemi pjesë e saj, nuk mund të lërë kurrë këtë ligjin elektoral ku lista është e hapur me Kushtetutë, e mbyllur me ligj. Qytetarët duhet të na mbështesin që këtyre të mos u lëmë timonin vetëm. Kryetarokracia nuk mund të goditet me një të rënë të sëpatës. Ne nuk po bëjmë revolucion.”
