Ish kryetari i Bindjes Demokratike, Astrit Patozi thotë se është herët për tu gëzuar nga ikja e Lulzim Bashës.
Ai thekson se është shumë herët për ta parë atë si një çlirim të madh për fatin e mëtejshëm të Partisë Demokratike
“ËSHTË HERËT PËR T’U GËZUAR NGA IKJA E BASHËS
Dorëheqja e Lulzim Bashës ishte e pritshme, madje tmerrësisht e vonuar. Dhe si çdo gjë në këtë botë që zvarritet gjatë nuk është e thënë patjetër që të bëjë mirë edhe kur më në fund litari këputet.
Ndaj është shumë herët për ta parë atë si një çlirim të madh për fatin e mëtejshëm të Partisë Demokratike.
Mendoj se ajo i ka shtuar edhe më shumë pikëpyetjet për perspektivën e saj politike, pasi ka lënë prapa një fushë të minuar. Tani varet shumë se si do ta lexojnë protagonistët e tjerë ikjen jo aq të padjallëzuar të kryetarit tashmë të larguar nga zyra e selisë së PD”, shkruan Patozi.
