Komisioni i Pavarur i Kualifikimit ka shkarkuar gjyqtaren e Apelit në Tiranë, Zegjine Sollaku.
Sollaku ka punuar si gjyqtare e Gjykatës së Tiranës në vitet 1992-2003.
Analiza e pasurisë është një ndër tri shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale.
Gjatë seancës dëgjimore u evidentuan pasaktësi në deklarime dhe mungesa burimesh financiare në vlerën totale 7 milionë lekë. Sipas raportit të Komisionit, bashkëshortët Zegjine dhe Theodhori Sollaku, kanë në pronësi 8 apartamente, te verifikuara nga hetimi administrativ, disa garazhe, si dhe dy makina.
Po ashtu, sot u shkarkua nga detyra edhe gjyqtarja pranë Gjykatës Administrative të Apelit në Tiranë, Lindita Sinanaj, pasi u konstatuan probleme me pasurinë.
