Paniku nuk ka marre fund per banoret e Italisë Qendrore, pasi toka u drodh serish mëngjesin e se enjtes. Pas tre lëkundjeve te forta te regjistruara gjate natës se kaluar dhe rreth 200 lëkundjeve te tjera me intensitet me te ulet, nje tjetër termet me magnitude 4,4 eshte ndier ne rajonin e Markes. Sipas raportimeve nga mediat, disa persona u lënduan pas tërmeteve te mbrëmshme, qe kishin magnitude 5,4 dhe 5.9. Nje i moshuar humbi jetën, si pasoje e nje ataku kardiak nga paniku. Disa ndërtesa u shemben, apo pesuan dëmtime. Ndërsa tërmeti i te enjtes nuk ka sjelle pasoja. Epiqendra e lëkundjeve qe u ndien edhe ne kryeqytetin Rome ishte ne Valnerina. Shume njerez u detyruan te kalonin natën jashte shtëpive nga frika e lëkundjeve te tjera dhe u vendosen ne pallate sporti. Sipas trupave te mbrojtjes civile, 2-3 mije persona rezultojnë te pastrehe, per shkak te dëmtimeve te shtëpive. Vlerësimi i dëmeve po behet ne zonat me te goditura, ne Tolentino e Ussita. Tërmeti dëmtoi edhe disa kisha, ndërtesa historike dhe nje rruge ne veri te Romes. Shkollat u mbyllen ne disa zona. Ndërsa pati probleme edhe ne rrjetin elektrik.
