Pas takimit me Ramën, ambasadorja Kim tregon çfarë diskutuan

Ambasadorja e SHBA-ve në Tiranë, Yuri Kim ka zbardhur detaje nga takimi që zhvilloi sot në Kryeministri me kreun e qeverisë, Edi Rama.

Përmes një postimi në “Twitter”, kryediplomatja shkruan se ata kanë folur për progresin e marrëdhënieve me dy vende. Po ashtu, ajo tha se kanë diskutuar edhe për vazhdimësinë e bashkëpunimit në mbrojtje e demokraci.

“Kisha një diskutim të shkëlqyeshëm sot me kryeministrin Edi Rama për të rishikuar progresin e fundit në marrëdhëniet mes SHBA dhe Shqipërisë dhe për të diskutuar mënyrat për të ecur përpara në bashkëpunimin tonë në demokraci, mbrojtje dhe biznes. Përpara për partneritetin tonë”, shkruan Kim.