Eriselda Sefa është votuar nga Këshilli Bashkiak për të marrë drejtimin e Bashkisë së Lushnjes. Në votim morën pjesë 34 nga 41 anëtarë.
Ajo u zgjodh në krye të institucionit të bashkisë me 29 vota pro dhe 4 kundër.
Emërimi i saj në këtë post vjen disa ditë pas arrestimit të Fatos Tushe për shpërdorim detyre.
Pas arrestimit, kryeministri Edi Rama firmosi shkarkimin e Tushes nga posti i kryebashkiakut dhe strukturat e Partisë Socialiste.
Në garë për postin ishin dy nënkryetarët e bashkisë, mirëpo njëri prej tyre, Gentian Nushi, u tërhoq nga gara pasi deklaroi se ky funksion ishte në papajtueshmëri me postin tjetër që mban si kryetar i Partisë Socialiste.
