Një ditë pas mbledhjes së Kuvendit Kombëtar të PD, në stadiumin “Air Albania”, ku u mor vendimi për shkarkimin e Lulzim Bashës nga posti i kryetarit të partisë, ish-kryeministri Sali Berisha paralajmëron marrjen e selisë blu.

 

Nëpërmjet një postimi në Facebook, ish-lideri historik i të djathtës iu bën thirrje demokratëve të bashkohen në atë që ai e quan “shtëpia e kontributeve, sakrificave dhe idealeve të përbashkëta, Partinë Demokratike”.

 

“Të dashur demokrate dhe demokratë! Kohet e fundit kanë qenë të mendueshme dhe të vështira për Partinë Demokratike. E di që shumë prej jush kanë dyshuar, ndoshta edhe janë trembur për shkak të fushatës së fuqishme linçuese që është mbajtur kundër personit tim dhe lëvizjes se Foltores. Megjithatë, ne të gjithe se bashku, Delegatë dhe militantë u dhamë përgjigjen më dinjitoze, më të bukur dhe më madhështore dje nëpërmjet mbledhjes historike të Kuvendit Kombëtar të Rithemelimit të Partisë Demokratike thirrur nga Delegatët. Sot nuk është me koha e dyshimit, sot është koha e veprimit. Ju pres të gjithëve në shtëpinë e kontributeve, sakrificave dhe idealeve tona të përbashkëta, Partinë Demokratike, për të vazhduar betejën kundër të keqes që ka mbërthyer Shqipërinë tonë të dashur. Me nderim të veçantë për kontributin e secilit prej jush”, shkruan Berisha.

Leave a Reply

Your email address will not be published.