Pas rasteve të para të gripit të shpendëve, ndalohet importi i tyre
Në doganën e Morinit nuk do të lejohet importi i shpendëve, produketeve e nënprodukteve të tyre.
Ky vendim është marrë nga Ministria e Bujqësisë menjëhere pas shfaqjes së rasteve të para të gripit të shpendeve në vendin tonë, prej të cilëve një rast edhe në Bujan të Tropojës.
Inspektorët e AKU-së në Morinë ndjekin zbatimin e këtij vendimi, duke kontrolluar të gjitha mallrat që hyjnë në Morinë, bën me dije Vizion Plus.
Inspektori i AKU-së, Hysen Daci thotë se nuk ka raste të tilla në doganën e Morinit, edhe për shkak se përmes kësaj pike nuk importohen produkte të tilla.
Daci shtoi se po bashkëpunohet ngushtë me të gjitha autoritetet për monitorimin e situatës.
Ndërkohë, inspektorët e AKU dhe shërbimi veterinar në Kukës po kryejnë inspektime dhe kontrolle në tregje e njësi shërbimi për produketet me prejardhje të shpendëve.
