Edhe pse reshjet e shiut kanë pushuar, sërish zonat që u përmbytën vijojnë të përballen me probleme të mëdha. Ministrja e mbrojtjes Mimi Kodheli në lidhje me këtë situatë të krijuar ka deklaruar se do të nisë riparimi i dëmeve. Ushtria ka ndërhyrë gjithashtu edhe në Lezhë ku po riparohen rrugët.Probleme me rrëshkitjen e dherave janë konstatuar edhe në Gjirokastër. “Do të mundësojmë riparimin apo lidhjen e të gjitha urave, riparimin e shpateve të lumenjve, rrugave dhe sigrisht brenda njësive tuaja do të vlerëson dëmet” tha ndër të tjera ministrja Kodheli.
Situata
Në zonën e Bulqizës ku u rrezikuan qindra banesa nga fryrja e Drinit të Zi p o punohet për forcimin e argjinaturës së lumit.
Në Lezhë 200 forca ushtrie kanë zbritur në zonat e përmbytura me mjete të rënda dhe po punojnë për rikthimin e normalitetit në shumë zona ku janë konstatuar probleme. Shefi i Emergjencave Civile në Prefekturen e Lezhës Ndrek Mhillaj thotë se ndërhyrje ka patur në argjinatura rrugë dhe ura të dëmtuara gjatë ditëve me reshje. Kanë nëdërhyrë në të gjitha argjinaturat në bashkitë Lezhë dhe Kurbin, po bëhet mundësia të ndërhyet edhe në bashkinë e Mirditës.
Në Shkodër edhe pse situata është stabilizuar xhamia e Plumit e shpallur monument kulture vijon të mbetet nën ujë duke rrezikuar seriozisht shëmbjen.
