Një aksident masiv ka ndodhur mbrëmjen e sotme në aksin e autostradës Milot- Mamurras.
Ngjarja ka ndodhur disa minuta më parë teksa në aksident janë përfshirë katër makina. Dyshohet se dy nga makinat janë shoqëruese të ish kryeministrit Sali Berisha në “Foltoren” e Kurbiit.
Pas përfundimit të takimit ne Kurbin, përgjatë kthimit në kryeqytet dy nga mjetet e eskortës së Berishës është përfshirë në aksident. Tre persona janë lënduar lehtë dhe po marrin mjekim në urgjencën e Laçit. Ende nuk janë mësuar shkaqet e aksidentit.