ARRSH njofton se pas përfundimit të ndërhyrjes dhe hapjes së plotë të Tiranë-Durrës, do të nisë të hënën punimet në një tjetër aks problematik.
Sipas Autoritetit Rrugor Shqiptar do të fillojë ndërhyrja për rehabilitimin e segmentit rrugor Degezimi, Vorë (shinat e trenit) – Fabrika e Tullave (rruga e vjeter) në kuadër të projektit të mirëmbajtjes me performance të Bankës Botërore.
ARRSH dhe Policia e Qarkullimit Rrugor ju kërkojnë drejtuesve të mjeteve të ndjekin udhëzimet e nevojshme;
- Trafiku i mjeteve të rënda që vijnë nga Veriu në drejtim të doganës se Tiranës do të vijojne normalisht nga Fushë Kruja në Doganë dhe do te kthehen perseri nga i njëjti segment rrugor dhe do te vijojne sipas destinacionit perkates.
- Trafiku i mjeteve të rënda nga Veriu në drejtim të portit të Durrësit dhe Jug do të përdorin segmentin Fushe Krujë – Kamëz – rreth rrotullimi “Casa Italia” – Durrës.
- Trafiku i mjeteve të rënda nga Jugu, porti i Vlorës, Elbasani në drejtim të veriut do të perdorin segmentin rreth rrotullimi “Casa Italia” – Kamëz – Fushë Krujë.
- Drejtuesit e autoveturave do të vijojnë te normalisht drejt destinacioneve respective duke përdorur urën e Vorës.
- Transporti i udhetarëve në të dy drejtimet do të perdorin segmentin e rrugës se aeroportit të rinasit dhe mbikalimit të Kasharit.
- Ky devijim do te vazhdojë deri ne perfundim te punimeve te rehabilitimit. Punonjësit e autoritetit Rrugor Shqiptar, Policisë së Qarkullimit Rrugor dhe firmave të mirëmbajtjes do të jenë në terren duke dhene te gjitha orientimet e duhura dhe vendosur sinjalistiken e duhur për orientimin e trafikut.
Ndër të tjera kërkohet mirëkuptim nga ana e drejtuesve të mjeteve për respektimin në mënyrë rigoroze rregullat e qarkullimit rrugor, sinjalistikën provizore të vendosur në segmentet ku do të punohet dhe udhëzimet e policisë.
