Tre ditë pas vrasjes së Edmond Koçit, i njohur si “Mond Çekiçi”, policia ka nisur aksione blic edhe në qytetin e Durrësit.
Policia e Durrësit, në bashkëpunim me FNSH dhe “Shqiponja”, kanë ushtruar kontrolle të imtësishme në disa automjete që qarkullojnë në rrugët e qytetit bregdetar.
Objekt kontrolli janë personat në kërkim, kryesisht lidhur me ngjarjet e fundit. Këto kontrolle janë nisur në kuadër të një plani masash të hartuara nga komisariatet në Durrës, Shijak dhe Krujë.
