Pas arrestimeve te ditëve te fundit te mijëra personave te dyshuar per përfshirje ne tentativën per grusht shteti, duket se presidenti Erdogan ka zbutur qëndrimin ndaj personave te akuzuar se e kane ofenduar ate. Ai njoftoi tërheqjen e padive dhe pushimin e të gjitha çështjeve për rreth 2 mije vete. Per ketë vendim ai tha se u frymëzua nga uniteti që shfaqën qytetarët gjatë dhe pas grushtit të dështuar të shtetit. Gjate fjalimit te mbajtur nga pallati presidencial, tonet u zbuten edhe per vendet perëndimore, qe me pare i kishte kritikuar per përpjekjet per rrëzimin e tij nga pushteti.
“Disa njerëz po na japin këshilla. Thonë se janë të shqetësuar. Shikoni punët tuaja. Askush nga Bashkimi Europian apo Perëndimi nuk i ka ofruar ngushëllime Turqisë. Këto vende, këta udhëheqës që janë të shqetësuar për puçistët, nuk mund të jenë miqtë tanë”.
Erdoan me pare akuzoi gjeneralin amerikan, Joseph Votel se po mbante anën e puçistëve pas deklaratës së tij se burgosja e disa drejtuesve kryesorë të ushtrisë turke po vinte në rrezik bashkëpunimin ushtarak mes dy vendeve. Pentagoni i ka hedhur poshtë këto akuza.
