Pas 11 oresh vonese, 280 udhetarët që ishin nisur një natë më parë nga porti i Barit, kanë mbërritur në Durrës. Rreth orës 18:20 udhëtarët kanë hyrë në terminalin e pasagjerëve duke shprehur një sërë ankesash ndaj ekuipazhit të tragetit. Ata janë shprehur se vonesat shkuan shumë gjatë dhe asnjë informacion nuk iu dhanë për difektin.
Trageti “Rigel I” i kompanise Ventouris Ferries, pasi u nis nga porti i Barit në Itali, pësoi nje defekt ne panelin e kontrollit, i cili eshte nxehur dhe nuk merrte disa komanda.
Per siguri trageti ka levizur afer ujrave italiane dhe pas 3 oresh ne det difekti eshte rregulluar dhe trageti ka vazhduar rrugen drejt portit te Durresit.
Drejtroria e Pergjithshme Detare pritet të dergoje grupin e Kontrollit Shteteror Portual per te bere inspektimin e tragetit dhe gjendjen teknike te tij.
