Partizani është rikthyer në majën e futbollit shqiptar pas 26 vitesh.
Të kuqtë arritën të mbyllin sezonin 3 javë para përfundimit të kampionatit dhe këtë e bënë fare mirë në derbin kundër Tiranës.
Partizani mposhti Tiranën me rezultatin 2 me 1 falë dopietës së shënuar nga Eraldo Çinari.
Në minutën e 32 Çinari kaloi të kuqtë në avantazh por bardheblutë reaguan shpejt dhe në të 40 barazuan shifrat me Grecën që përfitoi pas një gabimi në mbrojtjen e të kuqëve.
Me fillimin e të dytës ishte sërish Çinari ai që shënoi golin e dytë dhe që i dha zyrtarisht titullin kampion të kuqëve.
Por derbi I kryeqytetit duket se krahas emocioneve pozitive tek kampi I të kuqëve ka shtuar ankthin në kampin bardheblu pasi Tirana rrezikon rrënien pasi e ndajnë vetëm dy pikë nga zona e ftohtë.
