Teuta është vetëm një hap larg shpalljes kampion në futbollin shqiptar.
Durrsakët barazuan 0 me 0 në Laç, por iu gëzuan pa masë humbjes së Partizanit kundër Vllaznisë në Tiranë.
Kuqeblutë shënuan në fund me një penallti mjaft të kontestuar nga të kuqtë drejt gjyqtarit Enea Jorgji.
Me këto rezultate, Teuta, ndonëse ka 63 pikë aq sa Vllaznia, ka avantazhin e ndeshjeve direkte kundër shkodranëve dhe mjafton të fitojë vetë ndeshjen e fundit kundër Apolonisë për t’u shpallur kampion.
Sakaq, Skënderbeu fitoi kundër Kukësit dhe siguroi matematikisht qëndrimin në Superiore.
