Partizani fitoi derbin ndaj Tiranës në javën e 9 të kampionatit kombëtar të basketbollit për vajza. Sfidë e fortë në pallatin e sportit “Asllan Rusi” mes dy ekipeve që janë sëe bashku me Flamurtarin në krye të klasifikimit.
Sukses i rëndësishëm për Partizanin 73 me 68 në përfundim të 4 periodave të luftuara. Tiranës nuk i mjaftoi fitorja e dy pjesëve të para si dhe paraqitja super i Aida Palkos me 15 pikë dhe 11 topa të kapur në tabelë.
Perioda e tretë ishte ajo që bëri diferencën, pasi Partizani fitoi thellë 22 me 10, ndërsa përmbysja u kompletua edhe në periodën e fundit ku vajzat e Partizanit fituan 21 me 18 dhe e mbyllen derbin me plus pesë falë treshes Jakobson, Lalaj dhe Fetollarit.
Pas kësaj jave në basketbollin e vajzave udhëheq Flamurtari që mundi thellë Elbasanin, ndjekur në renditje nga Partizani dhe Tirana.
