Partia Demokratike ka zyrtarizuar këtë të martë koalicionin opozitar, ku pjesë e tij do të jenë partitë kryesore të opozitës që kërkojnë zgjedhje të lira e të ndershme pa Edi Ramën Kryeministër.
Pjesë e këtij koalicioni janë LSI, PR, LZHK, PBDNJ, PAA, PDK dhe PDIU.
Informacionet paraprake bëjnë me dije se kjo është dhe një ndër pikat kryesore të marrëveshjes për krijimin e koalicionit opozitar.
Koalicioni synon krijimin e një qeverie tranzitore që do të garantojë zgjedhje të lira e të ndershme dhe do t’i hapë rrugë drejtësisë për të ndëshkuar ata politikanë që janë faktuar se kanë blerë zgjedhjet.
