Parlamenti vendos për arrestimin ose jo të Tahirit
Parlamenti voton sot për arrestimin ose jo të Saimir Tahirit. Alibeaj dhe Manja kane prezantuar raportet qe Këshilli i Mandateve i dërgoi Kuvenditpër ish ministrin e brendshëm.
Sikurse u evidentua edhe nga deputeti Manja, dokumenti i hartuar nga ligjvenesit e shumicës argumenton vendimin e PS pse nuk duhet dhënë leja për arrestimin e Tahirit.
“Mungesa e provave, nxitimi i organit të akuzës për të kërkuar dhënien e autorizimit për arrestimin ose heqjen e lirisë së deputetit Saimir Tahiri, dy ditë pasi ka regjistruar procedimin penal dhe emrin e tij në regjistrin e çështjeve penale, krijon bindjen se në këtë stad të hetimeve që ka kryer prokuroria, ka sfond politik.”
Ndërkohë, Alibeaj argumentoi se pse kërkesa e Prokurorisë është e drejte dhe duhet votuar pro arrestimit te Saimir Tahirit.
“Shkeljet penale që deputetit i atribuohen, në mënyrë të qartë nuk janë të bazuara në motive politiko-partiake dhe as kanë për qëllim shqetësimin, apo intimidimin e deputetit ,apo ndikimin e mandatit të tij. Nga vetë deputeti ,as nuk u pretendua një motiv i tillë politik.
Gjate dites parlamenti do te votoje për heqjen e imunitetit te Saimir Tahirit, por votimi është i hapur dhe 74 votat e socialisteve janë bere publike se do ti japin leje prokurorisë vetëm për kontrollin e shtëpisë dhe jo arrestimin e tij.
