70 vite pas vrasjes së 15 deputetëve nga regjimi komunist, parlamentarët shqiptare ende vijojnë betejën politike në emër të antikomunizmit. Në një seancë përkujtimore Kryeministri Rama dhe kryeopozitari Basha u përplasën verbalisht.
E nëse Rama kujtoi se vetëm dy vite më parë, Parlamenti arriti të miratojë një ligj që mundësonte hapjen e dosjeve të komunizmit, Basha foli për ndryshime ligjore.
Për të kujtuar masakrën e 70 viteve më parë, drejtuesja e Autoritetit për Informimin mbi Dokumentet e ish-Sigurimit Gentiana Sula, kërkoi bashkëpunimin politik, për zbardhjen e krimeve të komunizmit.
Ligjvënësit shqiptar mbajnë një minutë heshtje në kujtim të masakrës së tetorit 1947, kur regjimi komunist ekzekutoi deputetët opozitarë të kohës.
