Parlamenti Evropian vendosi sot heqjen e imunitetit për lideren e ekstremit të djathtë, Marine Le Pen, pas kërkesës së gjykatës franceze për një aferë për shpifje.
Le Pen, e cila humbi garën presidenciale një muaj më parë përballë Emmanuel Macron, akuzohet për shpifje nga kryebashkiaku i Nices, Christian Estrosi. Ajo ka thënë në maj të 2015-sës se Estrosi financonte Unionin e Organizatave Islamike të Francës.
Nga ana tjetër, deputetët europianë vlerësuan se nuk kishte asnjë arsye për të hedhur dyshime se kjo procedurë e gjykatës franceze motivohej si një akt i qëllimshëm për të dëmtuar veprimtarinë parlamentare apo politike të Marine Le Pen.
