Një ditë pasi 104 deputetë votuan për shkarkimin e tij, presidenti Ilir Meta duket se vijon punën i qetë.
Këtë të enjte ai dekretoi katër ligje që ratifikojnë marrëveshje ndërkombëtare të Republikës së Shqipërisë, lidhur me Shtetet e Bashkuara të Amerikës dhe Republikën Federale të Gjermanisë.
Mes ligjeve të dekretuara, është edhe ai i ekstradimit ndërmjet qeverisë së Republikës së Shqipërisë dhe qeverisë së Shteteve të Bashkuara të Amerikës. Kjo është firma e parë që Ilir Meta hedh për të dekretuar ligje nga Parlamenti që dje e shkarkoi.