Parfume dhe esenca kontrabandë, arrestohet 31-vjeçari, nën hetim e shoqja

Një 31-vjeçar është arrestuar nga policia, ndërsa është proceduar penalisht bashkëshortja e tij, pasi gjatë kontrollit të ushtruar në subjektin e tyre, në rrugën “Bardhyl”, uniformat blu kanë gjetur dhe sekuestruar një sasi prej 132 litra parfum dhe esencë parfumi, të depozituar në bidona plastik për të cilat nuk dispononte dokumentacion (fatura), të cilat dyshohej se ishte kontrabandë.

Në pranga përfundoi S. K. për veprat penale “Tregtim dhe transportim të mallrave që janë kontrabandë” “Ruajtja ose depozitimi i mallrave që janë kontrabandë“ dhe “Fshehje të ardhurash“.