Parashikimi i motit për ditën e sotme, temperatura deri në 40°C

Ditën e sotme në vendin tonë, do të vijojë depërtimi i masave ajrore nga Afrika, duke sjellë mot të kthjellët dhe temperatura të larta.

Herë pas here, priten vranësira të lehta e kalimtare në zonat verilindore dhe juglindore të Shqipërisë.

Parashikohet që pasditja dhe nata të mbeten të kthjellëta dhe të nxehta në të gjithë territorin e vendit.

Temperaturat e ajrit do të ulen lehtë në mëngjes, por rriten në mesditë duke luhatur vlerat ditore nga 17°C vlera më e ulët në Verilindje të vendit deri në 40°C, vlera maksimale në qarkun e Elbasanit.

Era do të fryjë e lehtë dhe mesatare me shpejtësi maksimale mbi 35 km/h nga drejtimi kryesisht verior, duke krijuar në brigjet detare dallgëzim 2 ballë.