Parashikimi i motit për ditën e mërkurë, reshje shiu dhe dëbore

Vendi ynë do të mbetet nën ndikimin e vranësirave, ku do të ketë rrebeshe të izoluara shiu. Reshjet më të theksuara priten në zonat Veriore dhe pjesërisht në ato Qëndrore, ndërsa në majat e maleve do të ketë reshje të izoluara dëbore.

Në pjesën e dytë të ditës, moti do të vazhdojë me vranësira dhe shira të dobët në shumë zona të Shqipërisë. Temperaturat e ajrit pritet të rriten lehtë, me një vlerë minimale prej 1°C dhe maksimale deri në 16°C.

Era do të fryjë me shpejtësi mesatare deri të fortë, deri mbi 60 km/h nga drejtimi Jugor, duke krijuar dallgëzim mbi 5 ballë në brigjet detare.