Ditën e sotme vendi ynë do të ndikohet nga relativisht të njejta kushte atmosferike.
Moti parashikohet i kthjellët e vranësira të pakta deri mesatare kalimtare në relievet malore në lindje në orët e mesditës.
Era do të fryjë me drejtim verilindje – veriperëndim me shpejtësi mesatare 1-3m/s, ndërsa përgjatë vijës bregdetare dhe luginave hera-herës fiton shpejtësi deri në 4-8m/s shoqëruar valëzimi në dete të forcës 1-2 ballë.
Temperaturat parashikohen: në zona malore 17 deri 34°C
në zona e ulëta 17 deri 37°C
në zona bregdetare 20 deri 34°C
Rajoni i Ballkanit do të jetë nën ndikim e masave ajrore relativisht të qëndrueshme. Moti parashikohet i kthjellët në pjesën më të madhe të rajonit si dhe vranësira kalimtare përgjatë relieveve malore. Përjashtim bën pjesa veriperëndimore e cila do të ketë mot më alternime kthjellimesh e vranësirash si dhe reshje shiu në orët mesditës në formë shtrëngatash dhe stuhi.
Sa i përket Kontinentit Europian pjesa më e madhe e tij do të jetë nën ndikim të masave ajrore të qëndrueshme dhe të nxehta kryesisht në pjesën perëndimore të tij. Moti parashikohet i kthjellët e vranësira kalimtare në orët e mesditës. Vendet nordike, europa veriore dhe pjesërisht ajo lindore do të ndikohen nga moti i paqëndrueshëm me reshje shiu në formën e shtrëngatve dhe stuhive.