Policia belge ka parandaluar një sulm të ngjashëm me atë të një dite më parë në Londër. Një shtetas francez me origjinë nga Afrika Veriore, i identifikuar si Mohamed R është arrestuar në qytetin Antverp, pasi dyshohej se me automjetin e tij do të përplaste një turmë kalimtarësh.
39-vjeçari ishte duke ecur me shpejtësi ne një nga rrugët kryesore ku gjenden shumë dyqane, përpara se të pikasej nga forcat e rendit. Sipas shefit të policisë së qytetit, automjeti tërhoqi vëmendjen mëngjesin e sotëm, ndërsa personi nuk iu përgjigj thirrjeve të një ushtari për të ndaluar, pasi ecte me shpejtësi dhe kaloi në një kryqëzim me semafor të kuq. Një njësi e ndërhyrje së shpejtë e ndaloi atë më pas.
Nuk ka raportime për persona të lënduar. Nje njësi që merret me çaktivizimin e bombave mbërriti në vendin e ngjarjes për të kontrolluar makinën. Pas kontrolleve në bagazhin e automjetit të 39-vjeçarit u gjetën thika, armë dhe një sasi lëngu. Kryeministri belg Charles Michel falënderoi autoritetet për punën e shkëlqyer, duke shmangur një tragjedi.
