Parandalohet grabitja e banesës së emigrantit në Korçë, kapet 35 vjeçari

Një 35 vjeçar ka rënë në prangat e policisë së Korçës, pasi tentoi që të vidhte banesën e një emigranti.

Informacionet bëjnë me dije se pas telefonatës së një qytetari është bërë i mundur parandalimi i vjedhjes së banesës së shtetasit P. N., në lagjen nr. 4 Korçë.

Menjëherë pas marrjes së këtij njoftimi shërbimet e Komisariatit të Policisë Korçë, kanë shkuar drejt adresës së raportuar, ku kanë konstatuar në ambjentet e brendshme të banesës, shtetasin L. Sh., 35 vjeç, i cili po tentonte të kryente vjedhje.