Pavarsisht skemës mbështetëse, për të subvencionuar për krerë dhe jo për litër sektorin e blegtorisë, sërish aktorët e fushës thonë se nuk trajtohen në mënyrë të barabartë me bizneset që operojnë në vendet e rajonit.
Masa e madhe e mbështetjes së blegtorisë në vendet, si Kosovë, Serbi, Maqedoni e Veriut bën që çmimi i qumështit të vijë nga importi më lirë se pordhimi vendas. Ndaj kjo industri paralajmëron shtrenjtim të mëtejshëm të produkteve të bulmetit.
“Përveç kostos së lëndës së parë, kemi rritje të çmimit të energjisë, do vendoset akciza e gazit që përdorim në fabrika, kemi rritje të kostos së lëndeve paketuese, të plastikës, të letrës. Të gjitha këto do të bëjnë që cmimi final të rritet më tej në mënyrë të pashmangshme. E gjithë kjo situatë do të na bëjë ne të pakonkurueshëm në rajon. Pra qeveria të na vërë në kushte të barabarat me kolegët e rajonit dhe pastaj qytetari të zgjedhë më produktin më të mirë”, u shpreh Donjaldo Hoxha, nga Industria Përpunuese e Qumështit.
