Sinoptikani grek, Sakis Arnaoutoglou, ka paralajmëruar stuhi dhe rrebeshe shiu në Shqipëri përgjatë ditës së nesërme.
Arnaoutoglou gjatë parashikimit të motit për fundjavën është ndalur edhe në rajon, ku sipas tij gjatë fundjavës i gjithë Ballkani do të jetë i përfshirë nga moti i keq, ndërsa paralajmëroi edhe mbi atë që pritet të ndodhë në Shqipëri.
Sipas Arnaoutoglou, përgjatë ditës së nesërme në Shqipëri priten sasi të mëdha shiu, stuhi të forta me vetëtima dhe breshër të fortë.
“Nga mesdita e së ju që jeni ose do të shkoni në Shqipëri duhet të dini se fenomenet kohore atje do të kenë edhe forcë dhe kohëzgjatje dhe ndoshta do të ketë përmbytje të mëdha. Kujdes të gjithë ju që ndodheni atje”, shprehet ai.
Gjithashtu këto fenomene do të shfaqen edhe në veri të detit Jon edhe në zonat perëndimore të Greqisë në kufij me Shqipërinë, nga Janina e deri në Follorinë.
Sinoptikani grek thekson se këto fenomene do te zgjasin nga mesdita e së shtunës do të vazhdojnë gjatë pasdites, në orët e vona të natës , deri të dielën në mesditë. Sipas tij duhet pasur kujdes tek zonat e ulta më të prekshme për përmbytje nga ora dy pas mesdite deri në mbrëmje.
Raportohet se fenomenet do të jenë lokale dhe nuk përjashtohen reshje shiu në Tiranë ose përreth saj, në Durrës, Shëngjin e Shkodër.
