Papa Françesku mbërriti ne Mianmar ne kuadër te turneut te tij gjashte ditor, ku do te vizitoje edhe Bangladeshin, ne periudhën e krizës me te madhe te refugjateve te komunitetit mysliman rohingya.
Kreu i selisë se shenjte do te takohet me udhëheqësen Aung San Suu Kyi dhe liderin ushtarak te vendit. Fokusi kryesor me shume gjase do te jete përdorimi ose jo i termit “rohingya”, nga ana e tij per te përshkruar minoritetin mysliman ne vend. Autoritetet e Mianmarit e refuzojnë termin, duke nxitur kështu shqetësimet per shpërthimin e incidenteve te dhunshme. Te enjten, papa do te ndaloje edhe ne Bangladesh.
Me 23 nëntor Mianmari dhe Bangladeshi nënshkruan nje marrëveshje lidhur me kthimin e refugjateve rohingya qe u larguan per t’i shpëtuar dhunës, por situata ende mbetet tejet e vështire. Mbi 600 mije veta kane ikur nga Mianmari ne Bangladeshin fqinj, i cili gjithashtu po përballet me nje krize ne përpjekjen per te strehuar rohingyat. Shtetet e Bashkuara dhe Kombet e Bashkuara kete gjendje e kane përshkruar si “spastrim etnik”.
