Papa Françesku tërheq mandatin e peshkopëve abuzues në Kili

Dy peshkopë nga Kili janë shkarkuar nga Papa Françesku për shkak të akuzave që ndërlidhen me abuzim seksual ndaj të miturve.

Vatikani lëshoi njoftimin për peshkopët Francisco José Cox Huneeus, dhe Marco Antonio Órdenes Fernández pas takimit me presidentin e Kilit. Nuk mund të bëhet ankesë mbi këtë vendim.

Më shumë se 100 klerikë katolikë po hetohen në Kili mbi akuzat për sulme seksuale dhe tentim për t’i fshehur ato. Të 34 priftërinjtë e Kilit kishin ofruar dorëheqjen në maj pas skandalit.

Ndërkohë në shtator, Papa kishte liruar nga detyra priftin Fernando Karadima, 88 vjeçar, për abuzim me të mitur.