Supermodelja Naomi Campbell është bërë nënë për herë të parë në moshën 50-vjeçare.
Ajo ndau një fotografi të saj në “Instagram”, duke mbajtur në duar këmbët e vogëlushes së porsalindur.
Krahas fotos, Campbell shkroi: “Një bekim i bukur i vogël më ka zgjedhur mua që të jem nëna e saj. Jam e nderuar që kam këtë shpirt të pastër në jetën time. Nuk ka fjalë për ta përshkruar lidhjen e përjetshme që unë ndaj tashmë me ty engjëlli im i vogël. Nuk ka dashuri më të madhe.”
Campbell nuk zbuloi detaje të mëtejshme, të tilla si emrin e foshnjës së saj ose datën e lindjes.
