Rikthehet paniku në Francë. Një person është ekzekutuar, pasi tentoi t’i rrëmbente armën një ushtareje në aeroportin “Orly” të Parisit. Ngjarja ndodhi në një nga terminalet e aeroportit. Ajo nuk e lëshoi armen dhe në këtë moment ndërhynë ushtarët e tjerë, qe e qëlluan për vdekje agresorin. Aeroporti u mbyll dhe pas disa orësh kontrolle u rihap pjesërisht. Personi i identifikuar si 39-vjeçari Ziyed Ben Belgacem, francez me origjine nga Afrika Veriore, sipas Shërbimeve te Inteligjencës ndodhej në listën e të vëzhguarve dhe besohet të jete një musliman i radikalizuar. Ai ka vepruar i vetëm. Forca komando të antiterrorit kryen kontrolle për eksploziv, por asgjë nuk është gjetur.
Motivet e kësaj ngjarjeje janë ende të panjohura, por sulmi po hetohet si akt terrorist.
Ziyed Ben Belgacem është përfshirë në një tjetër ngjarje në periferi të Parisit, ku mbeti i plagosur një polic gjatë kontrollit të një automjeti. Ai mundi të largohej dhe automjeti u gjet më pas i braktisur. Autori grabiti edhe një tjetër makinë në një pikë kontrolli, e cila u gjet më pas në aeroport. Babai dhe vëllai i tij janë ndaluar për t’u marrë në pyetje. Agresori është person me rekorde kriminale dhe është dënuar per grabitje me armë.
