Një nga degët e bujqësisë, siç është blegtoria është drejt asgjësimit të plotë.
Ish-minsitri i Bujqësisë, Edmond Panariti apelon që të ndalet rënia, duke e kthyer vëmendjen drejt kësaj fushe, pasi në të ardhmen e afërt nuk do të kemi më ferma blegtorie.
“Në rast se ne nuk e ndalim këtë trend, bagëtinë dhe bujqësinë do ta shohësh si pjesë të ndonjë dokumentari, por fermat e mëdha do të asgjesohen. Shqipëria për fat të keq do të kthehet në një terminal fundor të disa zinxhirëve bujqësore jashtë saj, pra ti do të prodhosh atë që i intereson atij, tregut të eksportit dhe do të rrudhësh sektorët tradiconalë. Bujqësia është ushqimi ndaj ti duhet të mbash në këmbë edhe ato sektorë që nuk i ke konkurrues. Ti duhet të mbash në këmbë tregun e grurit, që të mos varesh kaq shumë nga importi”, tha Panariti në E-ZONE.
Blegtoria është dega me rënien më të madhe në dy vitet e fundit. Sipas Panaritit, duhet të mbështetet ky sektor jo vetëm për krerë, por edhe për litër, pra duhet gjetur cdo formë mbështetjeje për të mbajtur në këmbë këtë degë jetike.
