Presidenti rus Vladimir Putin reagon për herë të parë pas skandalit të mashtrimit financiar “Panama Papers”, duke mohuar të gjitha akuzat në drejtim të tij për korrupsion. Kreu i Kremlinit tha se deklaratat dhe shkrimet kundër tij janë bërë nga kundërshtarë të jashtëm që përpiqen të destabilizojnë Rusinë.
“Kundërshtaret e perëndimit jane te shqetësuar nga uniteti dhe solidariteti i Rusise dhe kjo eshte arsyeja qe po përpiqen te na tronditin nga brenda, për te na bere me te dëgjueshëm. Ata kane gjetur te njohur dhe miq, kane marre disa te dhëna dhe i kane mbledhur bashke”.
Presidenti rus ka qenë në qendër të akuzave që në ditën e parë të publikimit të mashtrimit financiar me kompanitë offshore. Bashkëpunëtorë të ngushtë të tij shfaqen në materialet e firmës “Mosak Fonseka”, sipas të cilave ngrihen dyshime se Putin ka qarkulluar para në vlerën e 2 miliard dollarëve. Ne dokumentet e zbuluara spikat emri i mikut te Putin dhe kumbari i vajzës se tij, viloncelisti Sergei Roldugin, si pronar i dy firmave offshore, te përfshira ne disa marrëveshje te dyshimta.
